PROIEKTUA

Ura hasiera besterik ez da
Horixe da Rode Fundazioak proiektua zabaltzeko aukeratu duen eslogana. Eremu hartan ura izateko aukera izanen da Turkanako herritarrentzat bizi berri baten hasiera: 6 urtetik beherako haurren desnutrizioa saihestuko du; higiene-neurriak hobetu eta gaixotasunak saihestuko ditu; nekazaritza lantzeko eta artzaintza hobetzeko aukera emanen du.
IRAUNALDIA ETA KOKAPENA
NORK GARATUKO DU?
Rode Fundazioak Nafarroatik eta San Paulo Apostoluaren Misiolari Komunitateak (MCSPA) Kenyatik; horiexek arduratuko dira proiektua garatzeaz eta gauzatzeaz.
HELBURUA
Helburua da oinarrizko baliabide eta azpiegiturak dituen biztanleria osasuntsu batetik abiatuta, herritar horiei oraina eta geroa duinagoa izatea bermatzea.

LAU ARLO IZANEN DITU PROIEKTUAK
AZPIEGITURAK. URA.
Ura izatea bermatuko da, eguzki-indarrez ibiliko diren ur-ponpak, hoditeria, txorrotadun ur-andelak eta uraskak.
Duela urte batzuk ura lurra aztarrikatuz lortzen zen; gau egun, putzu batetik ateratzen dute esku-ponpa betez. Proiektuari esker, aski izanen da txorrota irekitzea.
GEHIAGO JAKIN...
NEKAZARITZA
Hiru biderkatzailek prestakuntza jasoko dute eremu erdibasamortutarretan elikagaiak ekoiztearen arloan, eta baratzeak antolatu eta haien komunitateei nola landu erakutsiko diete.
Nekazaritza erronka da Turkanako biztanleentzat, lur-mota, lehorteak eta gaiaren inguruan duten ezjakintasuna direla-eta. Komunitateak gai izanen dira klimaren baldintza zorrotzei aurre egiteko, haurren dietaren osagarria izanen diren elikagaiak ekoiztuz.
GEHIAGO JAKIN...
NUTRIZIOA
210 haurrek bina otordu edukiko dituzte egunean, eta horiek biltegiratutako elikagaiekin prestatu eta zerbitzatuko dira higienea bermatuta.
Eremuko ohiko elikadura abereetatik ateratzen duten esnea eta odola da. Egunean bi otordurekin (artoa, babarrunak, basarto, soja, azukrea, olioa, gatza, arroza… erabilita) nabarmen hobetuko da haurren osasuna. Elikagai horiek hobeto biltegiratu eta prestatzeko, sutegi ekologikoekin funtzionatuko duten hiru sukalde eta hiru biltegi eraikiko dira, albo batera utzita makilez eta zuhaitzetako adarrez egindako bertako eraikinak.
GEHIAGO JAKIN...
OSASUNA
Osasuna hobetuko da mediku-arreta erregular baten bidez, klinika mugikorrari, osasun-eragile bati, eta eraikiko diren itzalpeko gelei, dutxei eta komunei esker.
Ama-haurrentzako arreta:  jaio aurreko zainketak ematea, txertoak jartzea eta nutrizioaren jarraipena egitea funtsezkoak dira eremu hartan. Malariari eta tuberkulosiari aurrea hartzeko eta antzemateko lan eginen dugu. Itzalpeko gelekin, dutxekin eta komunekin haurrek higiene-ohiturak ikasi ahal izanen dituzte, eta beherakoak eta larruazaleko eta begietako gaitzak saihestu.
GEHIAGO JAKIN...